第三站

想同朋友仔出去又唔知去边好？嚟 Board Game Cafe 就啱晒，呢间位于旺角，楼上舖，180度靓景，黑白简约风，座位阔落，空间感十足，客人年龄层广阔，食物方面午餐，下午茶同晚餐时段有唔同菜单供应，整体价格亲民，值得到访。前菜有黑松露蟹肉沙律，估唔到蟹肉份量咁多，啖啖肉，咸香又鲜甜，真材实料，沙律菜新鲜，配埋黑醋十分开胃。小食有炸薯角，大大碗，香喷喷，炸至外脆，放咗一段时间仍然冇变腍，简单嘅炸物竟然做到如此出色，惊人😦主食有饭有面，西式为主，私心推介西班牙海鲜辣肉肠烩饭，软糯可口，黏黏糊糊、意式鲜茄肉丸烩意粉都唔错，肉丸QQ弹弹好好味，味道酸甜，面条软硬度适中且够滑溜，几易入口，大人小朋友都啱食。另外有意式芝士肉酱扁意粉，酱汁够多，面条挂汁，相比之下带咬口，未必人人钟意。最后有卡邦尼烟肉杂菌意粉，烟肉咸香，杂菌味出，酱汁偏少但几Creamy，比较容易觉得腻，建议多人分享、饮品方面有士多啤梨朱古力同绿茶，前者甜甜滋味，后者开胃解腻，各有千秋。