Cafe Fabulous

营业中

休息中

今晚朋友带我来这间楼上cafe晚饭，佢话贪佢地方阔落环境唔错，梳化位特大仲有board game玩。二人套餐 $318食物味道唔错，食完仲可以坐多阵倾下计又几舒服的。蜜糖芥末鸡翼小食鸡翼六只，肉质嫩唔干身，味道甜甜地。黑椒炸虾天妇罗螺丝粉炸虾天妇罗炸粉唔厚做得唔错，有外脆内嫩之感。螺丝粉软身大条份量多，黑椒汁普普通咁，味道唔算太丰富，唔系好重黑椒味但就够辣口。黑椒脆香鸡扒意粉同样系黑椒汁与螺丝粉同一味，食多有点厌，只怪自己无留意点了重复味道。意粉幼身唔易断食落有咬口，鸡扒好大块占了大半碟，鸡皮香脆肉质嫩，份量多食完饱晒。法式焦糖炖蛋薄薄的焦糖甜度适中炖蛋好滑，食完好满足的甜品。蛋白炖鲜奶炖鲜奶口感滑，加埋朱古力脆脆配配搭口感味道好夹，份量唔多食完有点唔够喉之感。蓝柑桔乳酸(贰月)酸酸甜甜清新开胃，睇得又饮得。抹茶沙冰(拾壹月)卖相唔错，有球雪糕饮落碎冰太多抹茶味道偏淡。