Espuma (H8) (已易手) 新餐厅

同朋友补祝生日，佢介绍黎espuma试下。第一次黎觉得环境唔错几舒适，每样食物质素都几高。我地一共叫左四样野，分别系黑松露酱芝士薯条、马介休炸薯波、虾酱虾干鲜虾扁意粉同埋酱烧猪肋骨。虾酱虾干鲜虾扁意粉：上枱已闻到阵阵香味，虾酱加上忌廉汁再搭配虾干， 味道浓郁，口感好不错！个人十分推荐！酱烧猪肋骨：肉质松软多汁，份量岩岩好，性价比高。马介休炸薯波： 薯波炸得金黄香脆，入面够creamy，不过马介休咸味可以再多一些。黑松露酱芝士薯条是我朋友至爱，上枱已经食左一大半， 影相都影唔切。总结黎讲，呢度食物有惊喜，价钱经济抵食， 系一个聚餐好地方 ，下次会试下呢度嘅甜品。