Amitie Kitchen (已搬遷) 新店位置

朋友聚会👭最头痛就系负责揾餐厅，今次到我负责，揾到尖沙咀亚士厘道呢间Amitie Kitchen，上到去都差不多full晒，好彩book咗位啫📞。点餐前，店员拎咗一篮餐包过嚟🥐🍞，餐包方面有3款，有软淋淋嘅面包、香喷喷牛角包同埋脆条，如果嫌味道太单调，可以点少少蓝莓果酱同牛油。小食方面，我哋拣咗个自家制美式黄金蟹饼🦀，表层又香又脆，咬开有啲半流心黄色酱，原来系蛋黄酱嚟㗎，好特别呀，而且真材实料，好多蟹肉，口感幼嫩。伴菜嘅沙律菜好新鲜🥗，咬落爽甜。主菜纽西兰肉眼扒肉质鲜嫩，咬落好juicy😋！伴碟嘅薯蓉细嫩软滑，牛油味香浓，非常美味。咸蛋黄酱烟肉磨菇意大利面好香蛋黄酱🍝，酱汁够多又够creamy，烟肉磨菇份量足够，意大利面烟韧弹牙，碟边晒满香草，卖相十分之吸引。朋友都大赞呢间西餐唔错，几多嘢食，大家聚会都不妨试吓呢间，绝对系一个唔错嘅选择👍。