囍串

营业中

休息中

朋友介绍黎依间囍串gathering，除咗串烧，都有提供一啲主食架。店舖唔算特别大，胜在够干净企理。未够7点已经有几枱客人边食串烧边叹啤酒，劲chill。 用QR code落单，先拣辣度。今次叫咗几款串烧同炸馒头。串烧会放系一个小火炉上面”兴”住，咁就唔洗担心啲串烧会冻咗。 右边系鲜牛肉串，每日限量！牛肉烤完仍然十分嫩滑，非常惹味。  左边牛胸爽，即系牛肋骨中间嘅软骨，好爽口，以为会好油腻点知一啲都唔会。 厚切牛舌，真心劲厚，以为会好韧，点知一咬发觉原来腍到就黎可以入口即溶！ 金镶猪皮肉丸，一层猪皮再一层肉丸咁串住，好搞笑！肉丸好札实，而猪皮嗦哂啲烧烤汁，2个一齐食都几特别。 孜然羊脾肉，孜然味够重，羊肉完全冇骚味。 炸馒头，炸得金金黄黄，一咬外脆内软，再沾少少炼奶，真系可以一次食10个XD 我同朋友都唔饮啤酒，所以叫咗2杯其他饮品，估唔到都整得几出色。杂莓乳酪好滑，望落用咗唔少种类嘅莓黎整。水蜜桃梳打够哂清甜，而且仲好大杯。