泉章居

营业中

休息中

今日同中学同学饭聚，十几人所以就黎左呢度食，因为对上几次食都几好味，而且价钱都算合理，叫咗客家丰盛自选套餐 ($2980)。金牌盐焗鸡 : 自己本身对切鸡油鸡兴趣不大，不过试试也无妨，出奇又真系几滑下啲鸡肉。西柠芝麻虾球 : 平时食开都系西柠鸡多，虾球就未试过 ; 口感同味道都几好，不过西柠略酸了少少，整体黎讲不错。蒜香烧汁牛柳粒 : 烧汁好正之剩，份量又大碟而且牛柳粒好嫩口，必食。清蒸沙巴𧄌 : 肉质嫩滑，无腥味。客家煎炆豆腐 : 每件都好大件，厚厚既豆腐微微煎过，口感结实。瑶柱扒双蔬 : 豆苗几新鲜，可惜草菇无拖水，食落有阵怪味。👎🏻 👎🏻鲍参翅肚羹 : 普普通通，无话特别之处。炸物双拼 (脆皮炸大肠，脆皮炸鲜奶) : 呢个可以话系今晚主角，炸大肠炸得好脆口超正，而炸鲜奶可以话系儿时回忆，依家可以食既地方真系买少见少，两样都做得好好。总括黎讲，除咗草菇问题之外，其他都做得几好，上菜快，份量多，收费亦算合理，不过如果有得间房就重正。