火鍋撚 (雲明行) (已結業)

下昼食完饭返嚟就收到旧同学嘅电话，以为佢有咩大事要宣布啦😲原来佢只系抽起条筋，话好想收工去打边炉。我见反正得闲，就陪吓佢癫🤪 第一次嚟到「火锅撚」，感觉好似返咗古代咁，我哋四个被安排坐喺窗边嘅卡位，环境都几阔落。大家见到餐牌上 #蜂巢豆腐白汤锅 注明系「镇店推介」咁紧要，就叫半锅嚟同 #麻辣汤 双并😋 啖汤又真系几足料嘅，搞到我最终忍唔住饮咗成碗落肚先食嘢😉 我呢个牛魔王就梗系要份 #A4霜降和牛 先够大满足，油花均匀入口即溶... 正呀👍🏻 另外我哋仲叫咗花竹花、桶蚝都好新鲜😋 仲有佢哋嘅水饺、酱爆丸都做得非常出色，搞到我哋把口一路话要减肥，但系又食到唔停得口😅 埋单嘅时候，餐厅仲送咗每人一杯腐竹鸡蛋沙冰比我哋清吓喉咙，外貌特色之余，味道仲好丰富... 赞！