金船長餐廳 (已結業)

同朋友约左系金船长餐厅见面聚旧，呢间餐厅令我谂起一套我好钟意嘅日本漫画海贼王，一见到个名就有种莫名嘅好感。沙发卡座，呢个环境好岩倾计食野。餐厅嘅装修有好多海盗船、大海、灯塔嘅元素，有种入左海盗餐厅嘅感觉。灯塔装饰摆左系台上，轻轻点缀我地嘅饭桌，带黎丝丝嘅情调气氛。店员亲切有礼咁同我地推介左黑松露菌意式马斯卡普芝轻夹心比萨 （$108）。呢个菜式原来拎过素食大奖，外皮铺满芝士粉，内有黑松露，店员话有三种食法，单食、沾每日新鲜制造的酱醋 同 配沙律菜食。 啖啖浓郁嘅芝士香同松露香系口入面四散。🤣鲜吞拿鱼田园沙律 $88，摆盘美观，赏心悦目。吞拿鱼配上特调酱汁同沙律菜，令鱼嘅美味更跳脱。波菜烟三文鱼车仔意粉 $82 ，车仔面就食得多，车仔面粉就真心未试过。我谂店家应该对自己嘅厨艺非常有信心先会俾呀客自由配搭😂。好彩我地搭出黎嘅都几好食，非常足料嘅波菜同三文鱼，搭上卡邦尼汁轻轻烤焗。👍🏻每口意粉都好浓嘅卡邦尼汁，份量好充，但我都自己ko到大半份！美国肉眼牛扒 $298 ，靓扒系贵得有价值，我地叫左三成熟，而厨师火喉拿掐得刚好，真系做到三成熟，外面经煎封过👍🏻，唔错，入口嫩滑juicy，好。