聚點 (已結業)

星期日同屋企人嚟咗尖沙咀行街，因为有老人家嘅关系就拣选左食中菜，条街附近都系一啲酒吧西餐厅为主，依家算系万绿丛中一点红！当晚叫咗六个𩠌，包括豉汁蒸海上鲜，店员话得仓鱼，上到来仓鱼都几大条，唔多骨，有豉汁香！豉油皇干煎海虎大虾，虎虾够大只，都算弹牙，配埋豉油王一齐食，味道好夹！聚香鸡，呢度嘅招牌菜，份量好足，有鸡味，鸡肉有嚼头菜心炒带子，依碟系女朋友话想食嘅，味道唔会太咸，清清地，好啱老人家食！粟米鱼肚羹，依一个亦都系好啱老人家食，份量都足，味道又唔会过咸！鲜鱿马蹄蒸肉饼，呢个送饭一流，三样嘅比例都好好！