麺屋こころ (新城市廣場一期)

营业中

休息中

听朋友讲，沙田新城市广场有沾面食，仲要系海胆造嘅面，配搭海胆嘅汤，每日限定30碗。好似好难得咁，梗系想以身试伏啦。麺屋こころ喺新城市广场七楼，位置直头系䢂隔离，好易揾。中午一点半都唔洗排队。餐厅每张枱凳都逼到好埋，出入好易hi到隔离枱撞到人。场内有个女侍应几nice，另外一个女侍应几黑面。野食未到，我地发现有个水杯有污糟一pat绿色唔知咩嚟，正常想换过杯水啫，黑面女侍应队杯水埋嚟果下几无礼貌。我同朋友各叫咗一个海胆沾面嚟试。碗入面海胆得一块好细片，仲要唔系几新鲜。个面质完全食唔出海胆嘅感觉，蟹籽都多，但个面量好少。沾面嘅汤偏咸，海胆味好弱，汤内嘅荀同肉都好少。$188蚊一碗 食埋d咁嘅野真系好伏，性价比真系好低，唔好味，食完都唔饱。朋友都话肯定唔会再帮衬。