麗江雲南米線

营业中

休息中

想试呢间米线好耐，见佢咁出名，呢日嚟食拣咗4点零𠮶啲时间，不过都重系好多人，一个人嚟就同人搭枱，畀想像中迫，佢哋将啲大桶喺枱与枱中间拉嚟拉去，令到条路好油好跣，食食吓重有店员讲话隔离食店捉到只老鼠⋯⋯（当堂毛管戙，心谂：捉咗咁无事啦啩）我坐嘅枱可能正对厨房𠮶边，所以抹完都重系好肥立立，用消毒纸巾抹都抹唔走啲油渍，点咗腩肉、猪膶、生菜，小酸辣，嚟到个生菜得两三条，腩肉切得唔靓好难咬，猪膶就几好切得薄啲肯定系熟嘅，而个汤底就⋯⋯（本身系我最期待𠮶part) 好水好稀，冇乜酸味、得少少辣味，肉碎都冇乜⋯⋯坦白讲好失望，如果我畀分，香港嘅米线店入面十大不入FYI 我比较钟意食（屯门）云川、（荃湾）云南过桥米线、（元朗）贵川，可能食开呢几间比较浓味，厚身汤底同埋𩠌都好食，所以呢间，试过就算了，况且卫生情况真系⋯⋯唉