聰。C Dessert

营业中

休息中

聪嫂私房甜品，如果系将军澳人应该一定认识。可惜买盘俾大集团之后喺2020年全线结业。宜家聪嫂用新名聪。C Dessert 系湾仔再开业。舖头细细，就算平日三四点，入边都系坐满人。一入门口墙上面就见到由刘德华提字嘅聪嫂甜品。新Menu加入咗唔同元素嘅甜品，麻糬、连牛角窝夫都有。我今次就梗系叫返佢哋嘅招牌，芒果奶昔炖奶同埋士多啤梨豆腐花喇芒果奶昔炖奶将芒果奶昔同埋鲜芒果放系冻双皮奶上面，上层有啲似芒果雪糕，下层就系棉滑嘅炖奶，口感香滑，而且有淡淡芒果味。士多啤梨豆腐花上层是用新鲜士多啤梨冰混合十字奶跟忌廉制成的士多啤梨浆，下层是滑溜的豆腐花。呢一款嘅士多啤梨味道都几出，下层嘅豆腐花食落比较湿润。同芒果炖奶系两个完全唔同质地嘅甜品。