星味工房 海南雞專門店 (已結業)

呢家系联和墟嘅新加坡小店已经系到好耐，食过几次，觉得唔错。其中肉骨茶同海南鸡系比较出名嘅。今次经过就决定再帮衬返。海南鸡油饭鸡肉嫩滑，鸡皮同肉之间有少少啫喱，平时都唔点食鸡皮，但今次都可以连啫喱加皮一齐食，当然前提系唔系太多油脂啫喱系情况下。油饭同之前食开嘅唔同，之前食嘅可能有椰浆或鸡汁嘅，但呢个感觉唔止呢两样，仲加多咗料，虽然睇唔出同食唔出系咩，不过都好好食。新加坡肉骨茶最近系咁食肉骨茶。呢个肉骨茶比起上次食嘅，汤比较甜，调味底料(或者叫香料)比上次食嘅丰富。呢到嘅油炸鬼系正常脆度嘅，上次食果个太硬啦！呢到嘅就啱啱好。呢到嘅排骨系炖得比较软身嘅，排骨都好有鲜味。值得一讲嘅系！肉骨茶汤系免费再添多一碗嘅！沙嗲鸡肉串日常套餐再加$18就有3串。沙嗲味好够，肉就系细细旧，但个人唔太特别喜欢。整体黎讲都唔错！职员同老板都好热情，呢到嘅餐厅都系做街坊生意多，可以系到开咁耐，相信口碑都唔错嘅。住呢头附近嘅话，应该都会时常黎帮衬。