影片
更多
2022-07-16
49 浏览
事源系咁嘅，话说我用OpenRice叫外卖自取得，叫餐4样野。1.叉烧烧腩仔饭2.烧腩仔油鸡濑粉3.叉烧汤濑粉4.烧鹅滋味全餐好喇 电话落完单冇耐，大概5-10分钟后大壹就打过黎话冇哂烧腩仔，叫我转其他，我话俾我谂下先，同埋要问一问我啲同事先。但打电话俾我𠮶位姐姐就好唔耐烦不停吹我，问我转咩啊？冇烧腩仔啊转乜？我同位姐姐讲不如我1分钟后打俾你。到我打返电话俾大壹，又系位姐姐听电话。我同佢讲我谂好转乜喇，咁我就由第一个餐开始讲起啦 1.转油鸡 我都未讲完下一句𠮶位姐姐就闸住咗我 又好唔耐烦咁话:系咪全部转晒油鸡啊，我同佢讲姐姐不如你听我讲晒先啦，然后就开始逐个逐个同佢讲。好喇，去到攞外卖嘅时候我已经问佢哋系咪齐㗎啦冇执漏？负责执野个姐姐同我讲系呀齐㗎啦！到拎到返公司 哗一睇就把几火，4样野错3样。第1濑粉无啦啦帮我转咗做米粉，第二烧鹅套餐竟然冇比烧鹅我。咁我就二话不说打去餐厅啦，同佢反映返呢个问题，我话我系xxx(单号) OpenRice自取，我姐姐一听到就问我”又点呀” 我即刻同佢讲乜嘢又点呀，我叫咗个餐你哋送漏咗咪打过嚟同你讲，个姐姐听完之后,我隐约听到佢同同事沟通左一轮，然后过返嚟
好喇 电话落完单冇耐，大概5-10分钟后大壹就打过黎话冇哂烧腩仔，叫我转其他，我话俾我谂下先，同埋要问一问我啲同事先。但打电话俾我𠮶位姐姐就好唔耐烦不停吹我，问我转咩啊？冇烧腩仔啊转乜？我同位姐姐讲不如我1分钟后打俾你。
到我打返电话俾大壹，又系位姐姐听电话。
我同佢讲我谂好转乜喇，咁我就由第一个餐开始讲起啦 1.转油鸡 我都未讲完下一句𠮶位姐姐就闸住咗我 又好唔耐烦咁话:系咪全部转晒油鸡啊，我同佢讲姐姐不如你听我讲晒先啦，然后就开始逐个逐个同佢讲。
好喇，去到攞外卖嘅时候我已经问佢哋系咪齐㗎啦冇执漏？负责执野个姐姐同我讲系呀齐㗎啦！
到拎到返公司 哗一睇就把几火，4样野错3样。第1濑粉无啦啦帮我转咗做米粉，第二烧鹅套餐竟然冇比烧鹅我。咁我就二话不说打去餐厅啦，同佢反映返呢个问题，我话我系xxx(单号) OpenRice自取，我姐姐一听到就问我”又点呀” 我即刻同佢讲乜嘢又点呀，我叫咗个餐你哋送漏咗咪打过嚟同你讲，个姐姐听完之后,我隐约听到佢同同事沟通左一轮，然后过返嚟就话:系呀系呀我哋执漏咗啊“咁你自己过嚟拎返啰”我就话而家喺你哋餐厅俾漏㖞点解要我自己过嚟拎返，你可唔可以叫人送返过嚟俾我啊，都系5分钟嘅路程啫。
佢答我:唔得啊！我哋呢度唔够人手送唔到俾你㖞，你都识话5分钟啦咁你自己唔过嚟拎？(但系我见到食客就得2枱，职员起码有5-6个)我同佢讲:我喺公司我都行唔开！然后一轮拉锯战之后我问呢位姐姐贵姓，但佢无啦啦cut我线，我打返去又唔听。
又隔咗一阵 我同事帮我打返去反映 又系呢系姐姐听电话，位姐姐依然坚持要我哋自己去攞，倾咗一轮佢先话一系下次补返俾我，我拒绝咗，因为经历过咁差嘅体验之后系绝对唔会再去帮衬。个姐姐就话不如你晏少少再打黎 佢话老细出咗去 晏啲返嚟交俾老细处理。
最后我想讲，呢位姐姐态度非常恶劣，又唔耐烦，仲要无啦啦Cut我线。希望大壹老板见到可以好好咁培训你啲员工，食质素ok 但冇下次了 皆因啲员工质素令人却步。
张贴