影片
更多
2024-09-09
3682 浏览
呢间餐厅嘅装修确实好靓，系佢嘅卖点之一。我之前睇过佢哋嘅预约系统，发现周末晚餐时间通常都好满，打电话过去职员话周末嘅晚饭时间要等至少三个礼拜先有位。而且，佢哋嘅晚餐预约时间只系得六点几，但餐厅其实开到9:30。今次我哋冇预约，星期日路过就入去，竟然完全唔使排队，入到去发现有好多空台(应该直头话得1只手数得嗮咁多枱客)，感觉佢哋系做紧饥饿营销。初时嘅女职员态度好好，主动带我哋去靓位，后来发现佢应该系经理或者老细，因为佢嘅制服唔同，仲要同时做好几个位置。我哋坐低之后，等咗十几分钟都冇人送水过嚟，见到隔篱枱都有水，但我哋叫职员都好耐先有人理。几次叫职员都系咁，佢哋明明见到我哋，但系做其他嘢先至过嚟（包括行过咗我地去咗我地后面啱啱有客走咗嘅空枱倾计，但系又唔系执𠮶张枱跟住先过返嚟扔低2杯水）（再包括我哋想再嗌嘢饮咁喺上菜𠮶阵我同朋友讲不如我哋嗌埋啰，跟住个上菜嘅职员上完菜之后就即刻走咗，但系我个音量系喺𠮶阵嘅环境底下系冇可能佢听唔到），整体态度我只可以话系一般般。我哋叫咗两个甜品，朱古力饼同焦糖布甸，但送上嚟嘅唔知点解都系蛋糕，总之唔系饼同布丁嘅texture。再睇Menu，朱古力饼嘅英文写住
呢间餐厅嘅装修确实好靓，系佢嘅卖点之一。我之前睇过佢哋嘅预约系统，发现周末晚餐时间通常都好满，打电话过去职员话周末嘅晚饭时间要等至少三个礼拜先有位。而且，佢哋嘅晚餐预约时间只系得六点几，但餐厅其实开到9:30。今次我哋冇预约，星期日路过就入去，竟然完全唔使排队，入到去发现有好多空台(应该直头话得1只手数得嗮咁多枱客)，感觉佢哋系做紧饥饿营销。
初时嘅女职员态度好好，主动带我哋去靓位，后来发现佢应该系经理或者老细，因为佢嘅制服唔同，仲要同时做好几个位置。我哋坐低之后，等咗十几分钟都冇人送水过嚟，见到隔篱枱都有水，但我哋叫职员都好耐先有人理。几次叫职员都系咁，佢哋明明见到我哋，但系做其他嘢先至过嚟（包括行过咗我地去咗我地后面啱啱有客走咗嘅空枱倾计，但系又唔系执𠮶张枱跟住先过返嚟扔低2杯水）（再包括我哋想再嗌嘢饮咁喺上菜𠮶阵我同朋友讲不如我哋嗌埋啰，跟住个上菜嘅职员上完菜之后就即刻走咗，但系我个音量系喺𠮶阵嘅环境底下系冇可能佢听唔到），整体态度我只可以话系一般般。
我哋叫咗两个甜品，朱古力饼同焦糖布甸，但送上嚟嘅唔知点解都系蛋糕，总之唔系饼同布丁嘅texture。再睇Menu，朱古力饼嘅英文写住Chocolate cake，我当系语言艺术，我都算，但焦糖布甸写住Pudding，送上嚟嘅都系蛋糕，真系r头，但系𠮶阵心情同埋环境嘅因素加埋我最后就无选择同个店员讲或者系询问嘅。
我哋本身谂住嗌两杯Cocktail，但职员话𠮶六七款cocktail入面头三款未有，留意返佢个字眼系话未有。间餐厅都开咗几个月，佢如果未ready点解又要show出嚟唔贴住佢呢（𠮶3款酒嘅材料完全唔一样㗎㖞，唔系话某一样缺货咁样），最搞笑系佢野饮menu最下面仲要写住如果有其他想要可以同佢地讲佢地可以整比你，但系佢地连自己menu材料劲普通嘅野饮都冇。
餐厅环境虽然靓，但光线好暗，食饭时感觉唔系咁舒服。总结嚟讲，呢餐饭两个人食咗差唔多$700，因为我哋有嗌埋甜品同嘢饮，但觉得唔值呢个价钱。餐厅名不符实，建议大家再考虑清楚先决定帮唔帮衬。
张贴