一風堂 (奧海城) (已結業)

我成日去呢間分店，其實係我個仔鍾意食所以我成日會同佢去。平時都冇乜特別，但係今日我覺得唔肚餓，所以去到我冇叫麵，我哋一行3人，總共叫咗以下：兩碗面，$25加雞翼同埋飲品，另外再加咗份叉燒同埋鳴門卷，找數$200幾。加個兩隻雞翼我食咗，然後我聽到有一個男職員，同埋一個女職員，大大聲喺度講話：「三個人剩係得兩個人食，有一個冇食嘢。」喺我身邊講咗幾次，我覺得非常冇禮貌，乜唔係應該計人均消費嘅咩？一定要叫麵？呢兩個職員喺度做咗好耐，平時都已經覺得佢哋冇乜禮貌，不過估唔到冇禮貌到咁樣。