Amplifier Restaurant (花園街) (已結業)

旺角有间楼上西餐厅，占地颇大，有live music听🎶如果唔想净系扫街或者人迫人，可以嚟呢度舒舒服服咁叹西餐。呢晚平日去都有live music，见到驻场歌手唱得好投入又好听🫶🏻好佩服佢keep住好有mood咁唱👏🏻👏🏻听住歌食饭零舍有气氛。今次叫嘅二人套餐好丰富，有生蚝／青口、头盘、餐汤、主菜、甜品、餐饮，唔少款式都几有特色同花心思❤️🦪精选新鲜生蚝4只先嚟生蚝打头阵，几大只，食到啱啱好嘅海水味，口感比较爽滑👍🏻🍈巴马火腿配蜜瓜蜜瓜超级香甜juicy💦配火腿好夹。🧈蒜香牛油田螺酥皮盒田螺份量几多，弹牙有蒜香味😛不过酥皮腍咗啲啲。🦞蟹肉龙虾浓汤质感creamy，饮到好浓郁纯粹嘅龙虾味，入面有蟹肉衬托🦀🍝香煎日本帆立贝番茄酱意大利面经典嘅番茄酱口味，帆立贝几大只😗😗🥩慢煮美国威灵顿牛柳好少餐厅咁有心机整威灵顿，呢度作为招牌梗系要试下😆😆牛柳焗得啱啱好，够粉嫩，肉质腍滑有肉味😋牛柳外面包住恰到好处嘅菇菌酱以及酥皮，口感丰富，系属于水准之作嘅威灵顿👏🏻不过酱汁唔算多，可以再落多啲配牛柳同菠菜。🍮是日精选甜品焦糖炖蛋，面头一层脆卜卜焦糖，底下嘅炖蛋质感偏杰身，几香蛋味，唔会太甜😋😋人均消费：$