影片
更多
2019-12-17
753 浏览
朋友话间嘢好食，咁一行多人就嚟试下啦。早到咗，第一次嚟，同门口资客倾咗几句，了解下间嘢咩玩法。当时姐姐都几有心机解答我问题，第一印象不错。跟住入座食嘢，超多嘢食，啲海鲜都新鲜。成个过程都觉得几开心。虽然有时叫肆应要叫几次先有人覆，但你畀$200呢个价钱，都明嘅。好喇，到最后煮粥，一位金发女肆应过嚟帮我哋煮。我见佢捞嗮啲嘢上嚟，第一次食嘅我好奇问咗句点解要咁做，金发好「掘」咁话「公司要求咁做，我都系跟公司指引，你可要求唔捞，咁你捞定唔捞？！」个语气非常串，好似有种「讲咁多嘢嘥我时间」嘅感觉。我费事同佢吵，忍住话咁你照做。我哋有两兜粥，一兜要芫西一兜唔要。佢做完要芫西𠮶兜，就叫我哋换另一煲出嚟畀佢整。咁我多口提醒句「呢兜系无元西嘅wor」，金发即刻语气好差咁队我「咁你唔攞𠮶煲出嚟我点整啊！」我终于忍唔住，大声少少回佢一句「整啦」，佢即刻丢低啲嘢，话「我揾其他人帮你」。就算第二位同事嚟到，亦无话唔好意思，一开始仲要话「边位同事？我睇唔到wor」。其实成件事好细，但成餐饭好哋哋，系都要临尾香，真系多得呢位金发同事。相信如果佢继续喺度，只会有更多类似事件发生。亦多得呢位同事，我系一定唔会再返去佐
好喇，到最后煮粥，一位金发女肆应过嚟帮我哋煮。我见佢捞嗮啲嘢上嚟，第一次食嘅我好奇问咗句点解要咁做，金发好「掘」咁话「公司要求咁做，我都系跟公司指引，你可要求唔捞，咁你捞定唔捞？！」个语气非常串，好似有种「讲咁多嘢嘥我时间」嘅感觉。我费事同佢吵，忍住话咁你照做。我哋有两兜粥，一兜要芫西一兜唔要。佢做完要芫西𠮶兜，就叫我哋换另一煲出嚟畀佢整。咁我多口提醒句「呢兜系无元西嘅wor」，金发即刻语气好差咁队我「咁你唔攞𠮶煲出嚟我点整啊！」我终于忍唔住，大声少少回佢一句「整啦」，佢即刻丢低啲嘢，话「我揾其他人帮你」。就算第二位同事嚟到，亦无话唔好意思，一开始仲要话「边位同事？我睇唔到wor」。其实成件事好细，但成餐饭好哋哋，系都要临尾香，真系多得呢位金发同事。相信如果佢继续喺度，只会有更多类似事件发生。亦多得呢位同事，我系一定唔会再返去佐敦店食啦，真系唔该嗮！
张贴
