拳王泰國餐廳 (已結業)

泰拳贵为泰国嘅国粹，当功夫同足球都俾人谂到出黎既时候，点解无人将泰菜同泰拳摆埋一齐呢，作为业界既翘楚，泰菜同泰拳，有得谂㖞..虾片脆到不能 系一个好好嘅前菜首先嚟嘅系生虾刺身，虾身劲大只，我够胆讲佢系我喺香港境内食过嘅泰国菜之中最大只嘅，个生虾汁酸酸甜甜，连埋块辣椒片同蒜片同埋旧生虾一齐食劲开胃。香辣蟹肉夜明珠，个名起得好靓啊，明珠即系荔枝，起核后用佢黎包住一啲拆好嘅蟹肉，面头再加少少香料，蟹肉嘅鲜加埋荔枝嘅甜，真系一个好好味嘅冷盘。海南鸡，呢间餐厅个海南鸡好特别，将鸡摆系个蒸笼入面，底下有个碗逗住，上枱嘅时候侍应姐姐就会喺个鸡上面淋上餐厅既秘制鸡汤，呢个食法有别于其他泰国餐厅冻，系一个热食嘅海南鸡，海南鸡嘅鸡肉劲嫩滑，我最钟意点𠮶个甜甜地，黑妈妈既酱油膏。香叶肉碎炒饭，炒饭炒得干身，份量劲丰富，九层塔同肉碎配合得啱啱好，饭嘅面头盖上一只蛋，仲系半生熟㗎，中碎个蛋，流啲蛋汁出嚟捞埋个炒饭就无得顶喇。