豆漿大王

营业中

休息中

会嚟呢间豆浆大王食，系因为以前读书嘅时候喺中大大埔附近有一间同名嘅，又系叫豆浆大王。 不过𠮶间豆浆大王已经结业，所以就嚟新蒲岗试下呢间新嘅系点。我觉得唔系好差嘅，始终入过米芝莲。不过我觉得有少少吹大咗。特别系𠮶个粢饭，绝对唔系难食，都几好味，但系讲到系天上嘅食物就真系有啲夸张。 因为我以前喺台湾𠮶啲早餐店食粢饭，我觉得同佢𠮶啲系冇分别。咸豆浆嚟讲就真系好特别，因为从来未见过，未食过。我自己就唔系特别觉得好食，因为唔系好食得惯。不过大家可以去试下嘅，几特别。最好食系𠮶个肉松多士，不过因为午市太忙，所以净系晚市先至可以叫到。 佢其实系一片炸馒头，上面加炼奶，然后再摆极多肉松喺上面。 呢个配搭真系意想不到，好有创意，同埋真心极度好食。其他菜色都系普普通通。