影片
更多
2022-08-14
185 浏览
好后悔点解唔一早喺电话装OpenRice，去边间餐厅前都睇吓食评先至去... 卒之变咗要特登download OpenRice写呢边食评，希望大家唔好中伏。我一嚟就试佢最贵个和牛饭198蚊，$198系一个咩概念：有时唔系超肚饿，口痕一家三口去食寿司埋单都系二百松。而家一个饭就呢个价钱...其实佢另外仲有$99个西冷牛扒饭，睇幅相啲肉量都唔少，不过我嚟得就梗系试佢招牌菜。好喇嚟正题，首先啲牛肉量同幅相完全比下去就不在话下啦呢啲商品说明条例嘅嘢，我都预咗㗎啦唔通真系俾返幅图你咩。总之食落去好味就得啦我心谂。但系未摆到落口，净系见到佢喺啲和牛上面铺上浓浓嘅酱汁已经feel到伏伏地。唔好话你系咪一个钟意食牛嘅人，呢个世界有啲嘢唔需要专家先识分，就好似你冇睇开波四年先睇一次世界杯你都会识分乜嘢系好波乜嘢系渣。而讲到牛肉，食和牛就肯定系食佢个牛味啦，我要食汁我唔好去食沙嗲牛面？一摆落口就开始肉痛。$198我本来可以好好地同我屋企人享受一餐天伦之乐嘅美馔。我依家一铺就落重注买咗呢碗咸湿和牛饭。啲汁咸到其实佢系咪和牛都doesn’t matter。系咸到我情愿佢唔系和牛，因为根本系对𠮶只死咗嘅牛极唔尊
我一嚟就试佢最贵个和牛饭198蚊，$198系一个咩概念：有时唔系超肚饿，口痕一家三口去食寿司埋单都系二百松。而家一个饭就呢个价钱...
其实佢另外仲有$99个西冷牛扒饭，睇幅相啲肉量都唔少，不过我嚟得就梗系试佢招牌菜。
好喇嚟正题，首先啲牛肉量同幅相完全比下去就不在话下啦呢啲商品说明条例嘅嘢，我都预咗㗎啦唔通真系俾返幅图你咩。总之食落去好味就得啦我心谂。
但系未摆到落口，净系见到佢喺啲和牛上面铺上浓浓嘅酱汁已经feel到伏伏地。唔好话你系咪一个钟意食牛嘅人，呢个世界有啲嘢唔需要专家先识分，就好似你冇睇开波四年先睇一次世界杯你都会识分乜嘢系好波乜嘢系渣。而讲到牛肉，食和牛就肯定系食佢个牛味啦，我要食汁我唔好去食沙嗲牛面？
一摆落口就开始肉痛。
$198我本来可以好好地同我屋企人享受一餐天伦之乐嘅美馔。我依家一铺就落重注买咗呢碗咸湿和牛饭。啲汁咸到其实佢系咪和牛都doesn’t matter。系咸到我情愿佢唔系和牛，因为根本系对𠮶只死咗嘅牛极唔尊重。
其实呢几年我都有考虑过转吓食斋，唔使讲到道德问题，纯粹觉得健康啲食少啲肉。而家我食完呢餐，我可能真系会食斋。因为我觉得人类对肉真系非常之唔尊重。当我谂到有啲牛死咗之后会俾人制成呢啲咁样嘅咸湿和牛饭我就有一种恻隐之心喺里面涌出来。
如果有啲朋友推广开素食，我可以提议你同呢间餐厅做个crossover。正所谓破釜沉舟，虽然你推广素食，但系你叫人嚟食一餐呢碗牛肉饭，佢好似我咁肉痛一次分分钟会成为咗佢最后一碗牛肉饭。
为咗一碗牛肉饭能够令到我进入呢种对牛肉又爱又恨，maniacal嘅精神状态，佢叫做Beef Mania实不为过。如果呢个系呢间餐厅嘅初衷，咁其实佢做到咗。我都唯有respect佢。
张贴