峰景餐廳 (已搬遷) 新店位置

之前见openrice评价唔错，于是决定同屋企人朋友黎试下。book咗上层谂住可以睇夜景，点知果日大雨，山顶大雾到咩都睇唔到，已经好失望。 于是和家人朋友点餐，大概有4个都系哎 肉眼扒，medium，点知越食越奇怪，最后埋单时忍唔住问waiter阿叔'点解会有咁多水？系咪未解冻晒啊？' waiter阿叔嘅回答真系好有创意，佢话'系咁架，呢个系特色黎架，好多客就系黎食d 水'我从来都唔会写食评，呢篇系第一篇，之前就算几差嘅餐厅，最多下次唔再去，但我听见呢个阿叔嘅解释真系认唔住要影低张相post上黎。我觉得整得唔好，客人反应意见最起码应该尊重同反应返俾餐厅，而乱up个理由敷衍了事。对呢间餐厅好失望，都唔会推荐or建议身边朋友去。