影片
更多
2021-11-30
30 浏览
放工去咗尖沙咀食饭，之前经过已经想试「肉搏食堂」，但次次都要排队。不过今晚可能夜咗，门口个靓女姐姐热情招呼，话唔使等位可以直入😁。原来餐厅面积比想像中大，座位都几多。我哋获安排坐喺高枱，空间感较佳，但眼见普通餐枱就有少少迫🙈。店员好忙碌，不过全程保持有礼。由于天气冻，所以想食啲暖嘅嘢，就拣咗两碗肉肉饭🥩，不过餐厅亦有提供鱼生饭㗎🍣。香葱顶级牛肉配鹅肝丼($128)，🐮牛肉煎至半生熟，肉味都几香，感觉有些少似食紧烧肉。鹅肝味道出色，有脆边兼且入口即化嘅效果，但就略嫌薄身咗啲，唔够喉。我本身唔钟意食葱，但配埋酱油，成个组合夹埋捞饭都几好味🍚。慢煮黑豚盛丼($98/小)，黑豚丼卖相吸引，面头有只流心蛋黄🍳，笃穿佢再加埋麻酱食好多汁，但又唔会过湿。黑豚同想像中好唔同，质感有啲似火鸡胸肉火腿，食落好软身🐷。日本大根汁煮牛肉($48)，估唔到小食份量咁多，佢好有住家菜汁煮炖牛肉嘅风味。🥕萝卜煮得好入味，牛肉亦然，并且好有咬口，配饭食一流。饮品方面，我哋嗌咗青瓜青苹果沙冰($58)同埋朱古力曲奇沙冰($58)，好矛盾呀天气咁凉但又戒唔到饮冻嘢❄️。绿色𠮶杯重青苹果味🍏多过青瓜味，而且偏甜，建议加重青瓜
放工去咗尖沙咀食饭，之前经过已经想试「肉搏食堂」，但次次都要排队。不过今晚可能夜咗，门口个靓女姐姐热情招呼，话唔使等位可以直入😁。
原来餐厅面积比想像中大，座位都几多。我哋获安排坐喺高枱，空间感较佳，但眼见普通餐枱就有少少迫🙈。店员好忙碌，不过全程保持有礼。
由于天气冻，所以想食啲暖嘅嘢，就拣咗两碗肉肉饭🥩，不过餐厅亦有提供鱼生饭㗎🍣。
香葱顶级牛肉配鹅肝丼($128)，🐮牛肉煎至半生熟，肉味都几香，感觉有些少似食紧烧肉。鹅肝味道出色，有脆边兼且入口即化嘅效果，但就略嫌薄身咗啲，唔够喉。我本身唔钟意食葱，但配埋酱油，成个组合夹埋捞饭都几好味🍚。
慢煮黑豚盛丼($98/小)，黑豚丼卖相吸引，面头有只流心蛋黄🍳，笃穿佢再加埋麻酱食好多汁，但又唔会过湿。黑豚同想像中好唔同，质感有啲似火鸡胸肉火腿，食落好软身🐷。
日本大根汁煮牛肉($48)，估唔到小食份量咁多，佢好有住家菜汁煮炖牛肉嘅风味。🥕萝卜煮得好入味，牛肉亦然，并且好有咬口，配饭食一流。
饮品方面，我哋嗌咗青瓜青苹果沙冰($58)同埋朱古力曲奇沙冰($58)，好矛盾呀天气咁凉但又戒唔到饮冻嘢❄️。绿色𠮶杯重青苹果味🍏多过青瓜味，而且偏甜，建议加重青瓜味以提升清新度。🍪曲奇𠮶杯用个好得意嘅杯装住，味道唔错，朱古力味突出。
总括嚟讲，呢晚终于一尝肉肉丼饭专门店，味道简简单单都OK😗。不过我认为份量偏少，男仔需要有加饭嘅选项，但又或者嗌多个小食亦得，得咗。
张贴
