素.喜.館

营业中

休息中

早几日细女入厂玩残左两公婆，自觉身体状态唔理想，口气逼人， 饮完清热酷状态依旧， 于是决定午餐同太太去食斋。前人食评赞好嘅黑松露芝士炸薯球晚上先至有， 中午只可以食set lunch。前菜太太拣咗餐汤我就拣咗沙律， 餐汤系红菜头蕃茄汤， 个样鲜红色好靓仔， 但系味道好怪鸡， 我甚至觉得有少少饮紧中药嘅感觉。 沙律只系普通嘅生菜， 但居然放咗几片橙落去， 沙律汁系酸酸甜甜嘅橙汁， 又配搭得非常好味㖞。主菜1号系黑松露蘑菇意粉， 黑松露香味浓郁，弥补左冇肉嘅遗憾， 加上 蘑菇嘅口感，呢个组合好味系必然嘅。 个意粉上枱时以为会干争争， 点知原来店主有少量water base嘅汁收埋喺底， 又好味又唔怕肥，食到停唔到口。主菜二号系日本蟹味菇意大利粉， 其实呢个酱油汁底嘅意粉原本味道都唔错，可惜佢上枱嘅时间系喺黑松露蘑菇意粉之后， 如果意粉都识慨叹嘅话， 佢大概会叹一句既生瑜何生亮。