炑八韓烤 (瓊華中心) (已結業)

呢排天气落雨又冻返，又可以去韩烧喇！见到有个季节限定套限，又pink pink style野食又丰富一定要叫！盘生肉有大八爪鱼、特级牛骨、春川鸡腿、猪五花肉、严选牛胸腹同墨鱼，样样都好大份！我地两人食最后都食唔晒，建议三四个叫一个餐另外试多啲野会仲开心 🥳爪鱼超大只！ 猪五花肉又系好大旧，我地自己真系处理唔到😂 店员见我地咁clumsy都会帮我地剪同烧，服务一流。仲叫左个芝士猪扒炸鸡，有薯条垫底，炸得好干身唔会油，但又有肉汁够juicy 😍 芝士好香又唔漏 ☺️两杯都系季节餐牌嘅特饮，乌龙茶夹埋桃汁，好清新，食韩烧咁饱，饮佢就啱晒。沙冰更加唔使讲，食完热辣辣嘅烧肉饮番啖凉浸浸嘅沙冰，天作之合。韩烧来讲，个人最期待嘅就系炉边蛋，炑八既蛋系粟米芝士同埋泡菜(多泡菜果只)，如果唔系叫咗个大套餐，一定唔会加好多转蛋 😝甜品世界级！劲多桃肉！原个系中间，切粒系侧边。虽然冇日本桃咁甜咁多汁，但系份量都够晒诚意！桃下面就系好香牛奶味既沙冰，又有球雪糕，超开心！图左仲有酸酸地既桃汁，可以淋落牛奶沙冰度。