肉肉強食 by 鋒膳 (已結業)

行过东京街口，见到佢哋好显眼嘅招牌，再睇网上评价都唔错，食肉最啱我。楼梯上到去见到熟悉嘅布置，好多传统餐厅都用呢种红色格仔枱布，可能系代表扒房嘅装饰之一。肉类选择由普通到贵价都有，又可以加钱升级至套餐或净系主菜，都几多元化选择。佢哋亦写低唔同牛扒建议成数，当然大部份都系五成至七成。最抵有个吉列猪扒都系加$20，所以我都有点。五成熟西冷牛扒，切开见到佢哋都做到五成熟水准，见到血红色的部分在中间位置，牛肉味算浓，几有咬口。肉眼牛扒都系5成熟比较好，肉眼比西冷淋少少，佢哋话唔会落松肉粉，所以食落唔会有一陈化学味道。吉列猪扒以$20来说，性价比超高，如果未算好饱，我觉得值得加一份猪扒。之后仲有雪糕甜品。