Thai-ger (已搬遷) 新店位置

星期五晚同朋友去咗荔枝角D2place食泰国菜。餐厅地点都几就脚，一出地铁站，过条马路，喺D2place入口上条电梯就到。我哋book咗7点，餐厅话只可以帮我哋留五分钟枱 ， 放工时间地铁太多人我哋差啲赶唔切，好彩都有其中一两个成功到咗先。餐厅虽然几细有啲逼，点餐要出返去门口，但整体都好干净企理。啲嘢食好快就送到，而且无出错，抵赞！我叫咗冬荫功金边粉， 配料要牛腩、烧鸡肉、猪颈肉。一嚟就即刻试个汤底，啲汤落到喉咙都有少少辣。之后试埋啲肉，几入味不过就冻咗啲，要用汤浸返热佢。我个人就最钟意个猪颈肉，够爽口。成碗粉胜在够大份好饱肚，粉多、每款肉都起码有三四嚿、仲搭多两条菜，$70嚟讲算系好抵食嘅晚餐。