影片
更多
2023-05-13
213 浏览
渌鼎记 旺角好耐之前试过旺角呢间渌鼎记嘅点心同酸菜鱼都好有水准。前排知道佢夜晚会有火锅放题之后即刻book咗位嚟试，结果系好有惊喜所有嘢都劲高质👍🏻👍🏻👍🏻当晚我哋试咗最平嘅小宝套餐，限时两个钟，7:30pm前离座每人$238除咗火锅之外，仲可以系六个主菜入面拣一个。要注意嘅系椰子鸡，烤鱼同埋牛腩都要有6位以上先可以拣。如果少过六位嘅都可以每位再加$28拣。因为之前试过呢度嘅酸菜鱼好好味，所以我哋今次依然都系拣咗酸菜鱼，估唔到嚟到同散嗌一样咁大盆，鱼肉完全唔会腥，肉质超级滑，同之前一样咁高质，好食过好多川菜餐厅，推荐大家一定要试！！另外每台都会有两碟前菜包括毛豆同埋虾，本身对呢啲前菜都冇乜期望，但估唔到个虾好好食，煮法类似麻辣香锅，辣味好香，虾嘅肉质都唔差。同行朋友唔食虾，最后我自己一个食晒😋😋🤣锅底方面都有六款选择，我哋嗌咗海皇海鲜锅，锅底一嚟到好香虾味，入面都放左唔少虾食物选择方面肉类同部分丸类就可以scan QR code落单。有齐猪牛羊鸡虾丸等等。肉类一嚟到卖相就超级靓，一睇就知啲肉系高质嘅，绝对唔系平时出面放题食到嘅质素，甚至我觉得好食过某啲散嗌嘅火锅店。所有肉肉味道好出口感
好耐之前试过旺角呢间渌鼎记嘅点心同酸菜鱼都好有水准。前排知道佢夜晚会有火锅放题之后即刻book咗位嚟试，结果系好有惊喜所有嘢都劲高质👍🏻👍🏻👍🏻
当晚我哋试咗最平嘅小宝套餐，限时两个钟，7:30pm前离座每人$238
除咗火锅之外，仲可以系六个主菜入面拣一个。要注意嘅系椰子鸡，烤鱼同埋牛腩都要有6位以上先可以拣。如果少过六位嘅都可以每位再加$28拣。因为之前试过呢度嘅酸菜鱼好好味，所以我哋今次依然都系拣咗酸菜鱼，估唔到嚟到同散嗌一样咁大盆，鱼肉完全唔会腥，肉质超级滑，同之前一样咁高质，好食过好多川菜餐厅，推荐大家一定要试！！
另外每台都会有两碟前菜包括毛豆同埋虾，本身对呢啲前菜都冇乜期望，但估唔到个虾好好食，煮法类似麻辣香锅，辣味好香，虾嘅肉质都唔差。同行朋友唔食虾，最后我自己一个食晒😋😋🤣
锅底方面都有六款选择，我哋嗌咗海皇海鲜锅，锅底一嚟到好香虾味，入面都放左唔少虾
食物选择方面肉类同部分丸类就可以scan QR code落单。有齐猪牛羊鸡虾丸等等。肉类一嚟到卖相就超级靓，一睇就知啲肉系高质嘅，绝对唔系平时出面放题食到嘅质素，甚至我觉得好食过某啲散嗌嘅火锅店。所有肉肉味道好出口感啱啱好，一啲都唔韧，最好味嘅就当然系𠮶两款安格斯。而其他食物同饮品就可以喺出面拎，选择都还可以，主要都系食肉类为主。饮品都几有特色，除咗包装饮品之外仲有三款唔同嘅茶可以拣😋唯一可以挑剔嘅位就系冇甜品食，感觉争咁少少嘢，如果有部雪糕机会满足啲🤣
整体而言极度推荐大家嚟食，当晚见到有几台客到来庆祝生日，亦都闻到隔篱枱嗌咗鸡煲做主菜味道好香🤣下次都想试吓🤣最后提提大家，记住要book位餐厅，平日夜晚都好爆场！
张贴
