星廚 (已結業)

一行四人收工来到太子，一早订位入去，本身想食烤焗咸猪手和油封鸭髀，但店员强烈推荐新推出的邪恶杂扒餐，见份量十足价钱又抵，就半推半就点左一客。是日餐汤系南瓜蓉汤，近排我都喜欢南瓜蓉，南瓜味浓，而且有口感，都几开胃！虽然饮完汤先送上餐包，不过唔紧要，因为餐包分开食都好正，远处已经有香味十足嘅蒜蓉味！热辣辣嘅包又唔会太干太硬，好想encore！主菜嚟啦！基本上四人先食得晒，酱汁分别有沙律酱、薄荷酱、茄汁、芥末和烧春鸡嘅烧汁。伴碟有薯条、炸洋葱圈和粟米。炸洋葱圈非常好食，炸浆薄薄一层，洋葱又热辣辣！最好食系厚切牛油牛柳，五成熟内里肉汁爆晒出嚟，极香！烧羊架亦是同样出色，配薄荷酱一流，烧得刚刚好，有肉汁得来外面又香脆。今餐实在太多肉啦，不过都唔后悔，因为好好食！下次再来挑战猪手和鸭髀。