街頭火鍋

营业中

休息中

呢间叫街头火锅既系铜锣湾，好大间，通风好到打完边炉都唔会成身边炉味，好舒服。极品第一刀 $128呢个系好罕有，每只猪得一件，一碟就用好多只猪整出黎架啦🫣呢度呢啲仲要好靓，有晒雪花，好甘香，而且肉质好爽好嫩，超正！刁钻猪脚筋 $138呢个都系罕有之材料，猪脚筋每只猪得 2 条，好爽脆，好似咬紧软骨咁，仲要好多胶质好滋补🤭猪脚房附近嘅肉呢就好嫩，口感咁好好！新西兰羊肉片 $128呢度既羊肉片好厚好大块，好重羊味🫢又唔会太骚，劲好食，好嫩，好正！牛王莫六盛合 $398呢个有齐本地顶级牛颈脊，抓边，金钱展，牛胸爽，封门柳，黑柏叶，超丰富🤗牛颈脊系我最中意食既，牛颈脊既肉好嫩，特别嘅嫩滑，渌一渌就食得，牛味超浓，好正呀！鸳鸯汤底 $188汤底黎讲呢个都特别丰富，系台式麻辣新鲜鸡红冰豆腐同埋胡椒猪肚鲜粉肠，两边都好足料🫡个汤底本身已经好多材料，麻辣汤入边嘅鸡红好滑，亦都吸晒啲汤嘅辣味，胡椒猪肚汤嘅猪肚好爽，汤底亦都好驱寒，好补身！