肉餅哥小炒料理 (已結業)

今日嚟咗荃湾呢头探朋友 原来佢屋企附近就系呢间肉饼哥 不过如果要喺地铁站行过嚟都算几唔就脚㗎 不过因为上次食过觉得好食 所以唔就脚都要再嚟🤤朋友就话呢间嘅午餐抵食啲 晚餐会贵几蚊 但系都一样系有汤同又有野饮配嘅😮 其实喺出面我好少食肉饼嘅 因为外面茶餐厅嘅肉饼质素真系好参差😢 一系好多晶莹剔透嘅肥膏 一系就成嚿肉饼好林 似系过量用松肉粉🤮 不过呢间嘅肉饼真系好值得推介 口感一流加上口味多变👍🏻首先会有碗中汤俾我地饮 唔会太咸 仲会有少量汤渣附送埋🐷金沙蛋黄煎肉饼 一般肉饼配咸蛋黄面系以蒸嘅做法 而嚿咸蛋黄都系得一细粒喺面 呢间嘅蛋黄肉饼系煎嘅 啲蛋黄涂满成块肉饼真系好吸引 外脆内软 一咬开有好多肉汁 咸蛋黄酱真系起沙嘅 而且好好送饭😻芥末沙律酱煎肉饼 煎炸野配沙律酱一向都系绝配 估唔到配煎肉饼都系一样夹 不过利申返先 本人好钟意沙律酱嘅🥰呢间餐厅仲有好多唔同口味嘅肉饼 下次想食啲咁有口感又啖啖肉嘅肉饼嘅话 一定会再嚟🙊