新麻蒲 BBQ (形點) (已結業)

妈妈话唔想煮饭, 又一直嚷著要食韩烤…又话未去过 Yoho…..咁即系想我带佢去 Yoho 食佢最爱既韩烤啦! 呢个商场店舖实在有点难揾, 指示唔清晰! 好彩商场有好多管理处职员, 沿路行都可以一直问路…一入座已经立即送上4碟前菜, 1碟沙律 & 1碟菜! 醋海带好解腻, 而当中最欣赏系泡菜, 唔酸, 超正 (前菜可免费再添)!2母女 order 一客 “牛肉套餐 SS1”, 一次过试多款不同部位及腌制方法的牛! 特级霜降牛肉 ~ 肥瘦均匀, 满满的牛肉香味, 入口油脂四溢, 包生菜及包饭酱, 味道一绝!秘制牛肋排 ~ 唔需要沾酱都好够味, 无味精, 软滑无筋! LA牛肋骨 ~ 唔靭, 肉嫩有肉汁, 因为唔太厚所以烧起嚟周边变得好香脆! 特选韩式什锦拼盘 (年糕, 冬菇, 猪肉香肠, 大虾) ~ 虾超大只, 仲好多虾糕! 肠仔系芝士肠, 除左蘑菇仲有翠肉瓜, 金菇 & 鸡肶菇, 我觉得自己烧得好好…年糕就无烧喇, 放埋落部队锅一齐煮! 新麻蒲部锅 ~ 望落唔觉但原来有好多𩠌…牛肉, 金菇, 大葱, 午餐肉, 肠仔, 泡菜...等等! 汤顺喉唔呛, 可以再辣啲更好! 炉边蛋我又烧得过熟!