好一鍋海鮮火鍋專門店 (已結業)

三日内第二次打边炉，来到见有肉骨茶汤底有点小兴奋，记得每次饮完全身暖笠笠，但可能希望越大，失望越大，汤底大滚都闻唔到药材香。呢度有点似佢楼上的大X口，有蒜蓉，炸蒜，葱，辣椒，沙茶来混酱。推介炸鱼皮，虾同鳝片。炸鱼皮有粉面舖的质素，脆而且冇油溢味、但个鱼片角就难食到海虾弹牙新鲜、鳝片肥美，出好油、是日推介海用鲜 - 螺，火锅来讲算大只。点左手切肥牛同美国肥牛，厚度一样，应该都系机切，只系后者比较肥美、墨汁墨鱼滑冇墨汁，白雪雪的、台式鱼子肠点左两次都冇来、麻婆豆腐丸冇麻香、吊桶仔，鱿鱼卷完全冇味得个口感、仲有其他火锅店比较少见的莴笋，但比较老身有渣。野饮自己攞，个蜜瓜忌廉鲜奶好好饮，但可惜冇啤酒。甜品方面，有乳酪雪糕同少量配料选择