肉骨皇 (已結業)

平时上网同睇杂志都知道大坑多好野食，今日专登约左个朋友去大坑揾野食，既然特登黎到依个地方，当然拣d我平时少食既野啦，结果我地就拣左依间食新加坡菜既铺头喇。第一样拣既食物紧系新加坡出名既肉骨茶啦。槟城香浓肉骨茶：肉骨茶入面分别有d药材同排骨，首先饮左啖汤，味道浓郁，饮完感觉都几舒服，好滋补。另排骨炖到好淋同入味，啖啖肉。依度会附上点排骨既酱汁，甜甜地同有d蒜蓉味，再配埋个白饮黎食，正！然后叫左个小食拼盘：原本小食拼盘入面有鸡翼，但鸡翼卖晒，转左两串串烧。拼盘入面分别有虾饼/鱼饼/春卷/鸡肉同猪肉串，虾饼点泰食辣酱黎食，绝配。鱼饼有冬阴公味，鱼味重。春卷炸得好干身同脆口。鸡肉同猪肉串烧烧既时间啱啱好，肉质唔鞋同唔干。石榴梳打：用石榴汁好甜再配味个梳打，夏日特饮之选！而度除左食物之外，最抵赞就系店员既服务态度同埋笑容满分。