果子｜海南雞飯·喇沙摻摻 (啟昌樓) (已結業)

第一次嚟到大埔食嘢，见附近有间食越南野，价钱唔会好贵，正正常常，又冇乜人，一入嚟就有位坐。咁啱系下午茶所以就叫咗一个海南鸡饭，不过成日食开佢海南鸡饭，见肉骨茶饭好特别所以嗌埋。海南鸡饭啲鸡肉几嫩口同滑，不过鸡嘅份量就少咗啲，如果份量多番少少就好啦！佢仲有包埋碗鸡汤，同一杯热饮。挂住食肉骨茶饭都唔记得影相，食完先记得影返，真系好好味，味道好特别，肉骨茶再加埋啲饭一齐食，真系好过瘾，推荐大家试食！如果大食嘅话可能要加埋小食先够。个人好钟意佢杯热柠檬薏米水，适合女士们，饮完真系好舒服。