吉豚屋吉列豬扒專門店

营业中

休息中

猴子今日因工作关系三点钟才放饭，个肚饿到咕咕声。和同事出外「揾食」，选了吉豚屋医肚，皆因吉豚屋又系三点钟先开始下午茶时段，时间啱啱好。以日式餐厅来说，价钱一啲都唔贵。鉴于月尾，猴子选了价钱最亲民的吉列鸡扒定食，HK$44（已包括加一），有埋面豉汤同饮品。饿到打鼓，所以10分钟的等餐时间相当漫长，差点连相片都唔想拍就即刻食，不过为写食评，点饿都要影完相先。说回正题，刚炸好的吉列鸡扒，外皮松化，鸡肉嫩滑，少量的脂肪令味道更加浓郁，最重要系加埋「肚饿」这个终极调味料，所以特别觉得好味。至于珍珠饭，猴子觉得黏度稍逊，毕竟高级日本米的价钱不便宜，考虑到成本，其实是合格有余的。面豉汤方面亦系「有料到」，一块块肉片做汤料，唔会「斋汤」咁呃钱。饮品方面有很多选择，包括巨峰乳酸、柑橘柠檬等等，不过猴子钟情于奶茶。或者肚饿的确系最佳调味料，今次呢餐觉得零舍好味。但话时话，下午茶餐要三点先开始，时间上唔系咁夹猴子的生理时钟，猴子生性孤寒又好难说服自己在正价时段光顾，睇怕都难以成为常客。顺带一提，学生免收加一及有其他优惠。