滿華堂茶餐廳小廚 (已結業)

今日唔使返工，去左一间平时冇机会去又想试嘅街坊小店，因为佢平日营业时间我放工佢已收铺，今日终于试到了。叫左三样。鸡蛋煎肠粉，跟冷热/饮：$30值得一试，蛋皮边好香脆干身，肠粉亦够滑，加上香香的芝麻，味道不错。沙嗲牛肉饱餐，跟冷热/饮：$28用上热狗包夹沙嗲牛，沙嗲牛唔会只得几片，最紧要价钱又合理。咖哩鱼蛋、猪皮、萝卜：$25唔会成碟汁，咖哩鱼蛋弹牙，萝卜够甜。哩喥个老板走嚟倾计，讲开佢以前喺余均益做嘢，所以对做辣酱都有一定研究，老板仲介绍其出品嘅麻辣酱，老板讲下次记得要试下佢个麻辣酱。