新多寶來海鮮酒家

营业中

休息中

今日第一次嚟流浮山食海鲜，试吓呢间睇吓佢有咩符fit。 食咗4样嘢，第一味估唔到就食到舔舔脷，盐焗奄仔呀啲油多到爆晒出嚟又香又嘢味，确实呢个季节系要食咗奄仔先嘅。头先𠮶味你可以话D奄仔靓姐，不过第二位味呢就唔同啦，第二尾就系豉椒蛏子皇粘米饼底。蛏子王靓好食就唔再讲啦，佢啲豉椒完全唔会抢过蛏子王嘅味道，成道菜惹味得嚟又够香，再将啲汁落埋去米饼到......呱！好食到揼一声！第三味就系啫啫通菜煲，够镬气唔多油就已经得喺度菜嘅精粹喇。最后一味呢就系炸乳鸽啦，皮脆肉嫩，食一人食一只都唔够喉，真系无野好讲喇！