影片
更多
2012-09-29
35 浏览
是日食生日饭，早一日打黎订左枱，食七半。我地准时到左，到达既时候已经有人要拎飞等位。但点知订左位都系要坐员工出入口旁边，可能我地得两个人挂。入到去好嘈，太多一枱有四五个女仔喇，我地两个人倾计都有啲辛苦。对住左个menu好耐，因为唔知啲野几大份惊两个女仔食唔哂又要打包。个肥仔哥哥侍应好好人(本身谂住睇下佢叫咩名表扬佢架，但系睇唔到。)我地要左个簿脆同一个pama ham pizza，本身仲谂住叫多个沙律，问佢大唔大份惊食唔哂个时，佢竟然建议我地唔好叫住，，因为都几大份，哈哈，佢倒紧公司米。好啦最后要左两个，加冻柠水同一杯大既 hoegaarden。menu话冻柠茶可以无限添饮，肥仔哥哥话冻柠水都可以。唔记得左呢个叫咩名所以叫佢簿脆啦。黎既时候劲香，我谂佢地痴返埋一齐有一个pizza咁大。一黎到系劲香，口水都流埋。好脆，啲香草有小小辣辣地，食食下都有几分饱。另外叫左个pama ham pizza。呢个真系超好味。一片片既芝士加上香浓既茄酱味同咸香既pama ham好夹，分得出层次既脆卜卜pizza，又唔会话一淡食落去唔知食紧咩咁，可以 encore！食到呢度，肥仔哥哥问我地食物o唔ok，我
我地准时到左，到达既时候已经有人要拎飞等位。
但点知订左位都系要坐员工出入口旁边，可能我地得两个人挂。
入到去好嘈，太多一枱有四五个女仔喇，我地两个人倾计都有啲辛苦。
对住左个menu好耐，因为唔知啲野几大份惊两个女仔食唔哂又要打包。个肥仔哥哥侍应好好人(本身谂住睇下佢叫咩名表扬佢架，但系睇唔到。)
我地要左个簿脆同一个pama ham pizza，本身仲谂住叫多个沙律，问佢大唔大份惊食唔哂个时，佢竟然建议我地唔好叫住，，因为都几大份，哈哈，佢倒紧公司米。
好啦最后要左两个，加冻柠水同一杯大既 hoegaarden。menu话冻柠茶可以无限添饮，肥仔哥哥话冻柠水都可以。
唔记得左呢个叫咩名所以叫佢簿脆啦。黎既时候劲香，我谂佢地痴返埋一齐有一个pizza咁大。
一黎到系劲香，口水都流埋。好脆，啲香草有小小辣辣地，食食下都有几分饱。
另外叫左个pama ham pizza。呢个真系超好味。
一片片既芝士加上香浓既茄酱味同咸香既pama ham好夹，分得出层次既脆卜卜pizza，又唔会话一淡食落去唔知食紧咩咁，可以 encore！
食到呢度，肥仔哥哥问我地食物o唔ok，我照直讲左话其实两样唔一齐上会好好多，因为食完簿脆，pizza都冻左。
佢好错愕咁话，下…我明明叫佢地分开上架涡。
之后佢仲话整过个pizza俾我地。
但我地食左两件，掉左去整过好哂野，因为pama ham唔可以整熟，所以无得番焗。
结果经过一番纠缠之后，佢话一系你食完 pizza之后叫甜品佢 free返俾我地。
一听到，呆左，服务有无咁好呀，虽然我知 pizza同甜品都唔值钱，但如果枱枱都系咁，咪蚀左好多。
食完都无谂住叫甜品，但肥仔哥哥主动拎左两个甜品餐牌过黎，好啦叫左两个，猪古力蛋糕配云利拿雪糕同芝士蛋糕配云利拿雪糕。
猪古力蛋糕配云利拿雪糕好似心太软，但蛋糕既部分多好多。猪古力酱好好味，暖暖地既猪古力酱加上松软既猪古力蛋糕再加埋冻冰冰既云利拿雪糕简直系 perfect match！
食完好满足，但真系太大份，食唔哂。
芝士蛋糕配云利拿雪糕再有小小士多啤利酱。件芝士蛋糕芝士味比较不足，但个饼底好足料。
唔知系外面买返黎定自己整，如果系自己整，建议将芝士味提高。
整体来说，食物水准可以接受，服务很好，但价钱略贵，餐厅环境比较嘈吵，谈情说爱既话可以选择其他地方
张贴
