影片
更多
2014-05-26
1635 浏览
虽然小弟一向都偏向钟意试新嘢，但对有啲食肆都有少少偏爱，间唔时都会返兜，Fat Angelo’s喺其中一家，皆因其大众化价钱，但又算喺质、量兼备，正所谓大件夹抵食 。5月初突然话全线结业，实在好可惜，依一篇「过气」食文，当喺为佢悼念一下 。其实，未结业前，都有几多人帮衬佢，就以今次星期六午餐时间为例，都近乎「全院满座」，又好多一家大细嚟食。讲环境，比起好多中档次西餐厅唔输蚀，红砖墙，红枱布，甚有意大利家庭式小店古雅风格 。午餐分3个价位： Lunch Combos $88：包新鲜面包、田园沙律、餐饮可拣一般啡茶、汽水，主菜就较为大路嘅薄饼、意粉。 Executive Set Lunch $148：包新鲜面包、田园沙律、意式杂菜汤、餐饮可拣优质咖啡、红茶、汽水，一客意式雪糕，主菜会特别少少，如纽西兰西冷扒、迷迭香烧鸡、烧美国猪肋骨。 The Directors Table $198：下面再详述，所有午餐都另收加一服务费。The Directors Table今次豪少少请老婆食晏，就喺拣依个「董事午餐」。$198包啲乜？包新鲜面包、餐饮可拣啤酒、餐酒、添加汽水、优质咖啡、红茶，
其实，未结业前，都有几多人帮衬佢，就以今次星期六午餐时间为例，都近乎「全院满座」，又好多一家大细嚟食。讲环境，比起好多中档次西餐厅唔输蚀，红砖墙，红枱布，甚有意大利家庭式小店古雅风格 。
午餐分3个价位：Lunch Combos $88：包新鲜面包、田园沙律、餐饮可拣一般啡茶、汽水，主菜就较为大路嘅薄饼、意粉。
Executive Set Lunch $148：包新鲜面包、田园沙律、意式杂菜汤、餐饮可拣优质咖啡、红茶、汽水，一客意式雪糕，主菜会特别少少，如纽西兰西冷扒、迷迭香烧鸡、烧美国猪肋骨。
The Directors Table $198：下面再详述，所有午餐都另收加一服务费。
The Directors Table今次豪少少请老婆食晏，就喺拣依个「董事午餐」。$198包啲乜？包新鲜面包、餐饮可拣啤酒、餐酒、添加汽水、优质咖啡、红茶，再加埋意式风味冷盘沙律，蟹肉浓汤，高级别主菜3拣1，甜品4选1，稍后介绍埋有咩主菜、甜品可拣，你就会认为个餐超晒值 。
面包篮贵为中档次嘅美式意大利餐厅，面包篮唔会咁港式一两片蒜蓉包，或一两个餐包仔，两大个农夫包，烟韧实在，沾黑醋、橄榄油，简单好食 。
蟹肉浓汤 橙红嘅浓汤，果然浓郁，里面真喺有少少蟹肉，绝无欺场，只喺有啲啲咸，否则就完美喇。
意式风味冷盘沙律 初时见佢个名「意式风味」觉得好虚，何谓意式风味？个冷盘沙律一上枱，完全明晒，沙乐美肠、巴马火腿、羊奶芝士粒、黑橄榄、青橄榄、大茴香片，加少少沙律菜，真喺非一般午餐田园沙律。较咸嘅沙乐美肠卷住沙律菜食，味道一流，柔软中有爽脆，咸味中有清甜，而火腿又油润咸香，真喺一道有睇头，又丰富嘅沙律。
主菜定明3拣1，分别喺美国顶级熟成去骨牛扒、龙虾香辣鲜茄新鲜天使幼面及脆烤羊架配香橙酒薄荷香草酱。其实，3款睇见都心郁，样样都想试，总之揾埋姨仔一齐嚟食，就唔使伤脑筋。最后，同老婆拣咗前两者：牛扒及天使面。美国顶级熟成去骨牛扒
虽然卖相欠奉，但份顶级牛扒实在大件，应该喺8安士嘅份量，只简单伴薯条。要咗5乘熟，不过，出嚟嘅效果应该过咗少少，肉内半点血水都无，但仍带粉嫩，入口亦非常软腍，相信都只喺过咗少少；此外，件扒经过熟成，肉味真喺好强，加上面头烧得焦香，确实件扒整得有水准 。
龙虾香辣鲜茄新鲜天使幼面 又喺无乜花巧嘅卖相，不过，望住开边嘅波士顿龙虾（半只），咁有睇头，卖相都只喺其次。龙虾里面有好多膏，肉质亦几爽口 ；天使面以新鲜蕃茄煮制，好鲜活，又带点辣。不过，天使幼面就无啦啦转咗意粉，意粉咬口不俗，但服务上就有啲唔妥当，因为真喺可能有啲客食天使面OK，但就唔钟意食意粉，为免有咩争吵都喺事先说明多啲！
本来仲有甜品要上，我哋连农夫包都只喺食咗一个，已感觉颇饱，所以，两件蛋糕甜品就打包拎走，饮埋杯餐饮就结帐。热柠水．热咖啡
老婆嘅餐饮就例牌热柠水，小弟就要惯常嘅热咖啡。柠水中嘅柠檬喺切角，感觉无咁好笃，但就附上一壶热水，可以多冲一至两杯；小弟杯咖啡几醇香，所提供嘅牛奶都喺温热嘅。
甜品一共有4款选择，包括：意大利芝士饼、纽约芝士饼伴杂莓、特浓朱古力饼配焦糖酱及自家制意大利雪糕。雪糕比较难带走，结果就要咗纽约芝士饼同特浓朱古力饼，店方好细心，唔单止个别用个大胶盒盛载，而且，仲加番啲士多啤梨、蓝莓嚟摆番好少少个卖相 。纽约芝士饼伴杂莓
纽约芝士饼个外观焗得唔错，表面几平滑，而芝士味挺香浓，底下消化饼底厚薄啱啱好 ，啲杂莓酱又做得几新鲜酸甜。
特浓朱古力饼配焦糖酱 「特浓」加「焦糖」劲啱口味，朱古力饼质感挺实，朱古力味好丰厚浓郁，不失特浓之名，配以焦糖酱，浓香更上一层楼，当然，唔嗜甜就咪拣佢啦。
事后翻睇网上新闻，Fat Angelo's晌港都经营咗超过16年，早两年新老细接手，以重金礼聘美国厨师团队来港当顾问设计菜式，又加上业主晌租金上开天索价，结果流血不止，伤重离场，不知有否一日卷土重来！
张贴
