Studio City Bar & Cafe (已結業)

电影主题餐厅，当然同电影有关，不过我哋唔系喺UA睇完戏，反而系喺德褔睇完《树大招风》行过嚟。餐厅内电视不断播著最新的电影预告片，而且中西日韩主流小众都有，一路食一路可以plan定下套想睇咩。非常怀旧美式的室内设计，红梳化、霓虹灯、点唱机棉花糖机(虽然已out of work)，空间广阔，坐得舒服又可以大剌剌享受美食的餐厅。有一个超级高大靓仔model级的侍应帮我哋落单，而且非常温文有礼，真系搞到我红都面哂全部食物热辣上枱，鸡翼外层有一层薄薄脆粉，卖相吸引，外层香脆干爽唔会油淋淋，内里刚刚熟，鸡肉超嫩而且有肉汁。西芹条鲜嫩无渣，口味清淡清新，不会有浓烈的青芹臭青味薯片边位香脆，肉酱份量颇多而且味道香浓，热辣辣上枱嘅薯皮配冰冻嘅sour cream, 冰火二重天嘅享受。薯条连着薯皮，薯味非常浓，条条酥脆。汉堡牛扒可自选熟度，我选咗medium, 呢度用grill, 扒上有grill炉烧成的纹理，充满grill特有的炭香。面包也在pan轻轻烘过，带来脆嘅口感。蔬菜份量多而且新鲜，有大大片蕃茄同生菜，同切得幼幼嘅洋葱丝。它本身无酱汁，可以自行加茄汁同黄芥辣，增加湿润度而且味道更加美式