影片
更多
2021-04-26
527 浏览
行过都见多人买外卖，入嚟坐低试一试。一睇餐牌，有啲系台式拌饭、牛肉面，有啲日式咖喱，有啲港式捞公仔面 ... 所以同意楼下啲师兄讲，呢间只系伪台式贵价茶餐厅。如果当佢系台湾料理，第一件事当然要试吓牛肉面，见佢啱啱大字标题新登场椒麻半筋半肉面，就叫嚟试试！碗面一上枱，已经觉得唔对路，我要半筋半肉面㖞，点解有啲肥牛喺度？港式餐厅用肥牛呢样嘢，通常都系要对冲成本，即系表面上好似俾啲牛你，其实好大量系脂肪嚟，即系你去打边炉餐牌里面最平𠮶啲所谓精选美国牛肉，就系呢啲咁嘅肥牛。一见到啲肥牛，即刻睇返个餐牌𠮶幅标明只供参考嘅图片，系冇肥牛个㗎㖞！虽然讲明图片只供参考，唔能够话你违反商品说明条例，但就大大影响咗食客嘅心情啰！而且，牛筋嘅份量好少，大概等于佢幅相上面一条牛筋设切成三嚿，而今次碗面总数只得四小嚿，点解要将啲牛筋换咗做肥牛？太过分！至于半筋半肉嘅部份，有两条，尚算附合图片。半筋半肉嘅肉质来讲都算炆得够腍，但又系唔会一咬即散，保留咗一啲咬劲，质感来讲算唔错。至于𠮶啲肥牛，肥膏多过牛，不予置评！汤头系好清澈嘅红烧汤底，初初饮有少少觉得淡口，基本上唔辣，而麻嘅感觉要喺after taste先走出嚟
如果当佢系台湾料理，第一件事当然要试吓牛肉面，见佢啱啱大字标题新登场椒麻半筋半肉面，就叫嚟试试！
碗面一上枱，已经觉得唔对路，我要半筋半肉面㖞，点解有啲肥牛喺度？港式餐厅用肥牛呢样嘢，通常都系要对冲成本，即系表面上好似俾啲牛你，其实好大量系脂肪嚟，即系你去打边炉餐牌里面最平𠮶啲所谓精选美国牛肉，就系呢啲咁嘅肥牛。一见到啲肥牛，即刻睇返个餐牌𠮶幅标明只供参考嘅图片，系冇肥牛个㗎㖞！虽然讲明图片只供参考，唔能够话你违反商品说明条例，但就大大影响咗食客嘅心情啰！
而且，牛筋嘅份量好少，大概等于佢幅相上面一条牛筋设切成三嚿，而今次碗面总数只得四小嚿，点解要将啲牛筋换咗做肥牛？太过分！至于半筋半肉嘅部份，有两条，尚算附合图片。半筋半肉嘅肉质来讲都算炆得够腍，但又系唔会一咬即散，保留咗一啲咬劲，质感来讲算唔错。至于𠮶啲肥牛，肥膏多过牛，不予置评！
汤头系好清澈嘅红烧汤底，初初饮有少少觉得淡口，基本上唔辣，而麻嘅感觉要喺after taste先走出嚟，整体上，冇咗个份红烧汤底浓烈嘅刺激感，但如果想清清地，还可以。
面条唔错，份量适中，质感软滑但仍保持咬劲，但唔算太有面粉香。
张贴
