鴻興麵家

营业中

休息中

学生未开学时第一次帮衬冇乜人，老板娘一人开舖完全冇伙计，我叫咗碗牛筋米粉，不过唔够牛筋，老板娘就加咗啲牛腩比我，估唔到牛腩咁好味系我最喜欢嘅肥腩，当一𩠌收费$32。第二次帮衬就叫牛筋牛腩米，比上次多牛筋牛腩大大碗，牛筋好弹口又唔黐牙好易咬开，肥腩好香好肥美，一层肉一层肥膏真系好好味，亦有少少菜才做点缀，腩汁汤底好浓郁，我饮咗唔少，老板娘认得我都系收$32，叫我做*阿妹*下次多啲帮衬，感觉好亲切。😂今日第三次帮衬好多人，因为已经开学，店舖细细有一家大细又有几个学生，仲有个阿叔净系买牛腩拎走，好好生意。 老板娘真系好忙，啲学生都好乖会写纸仔落order比老板娘，大家都会亲自去拎面，唔使老板娘一脚踢。今次我叫云吞牛腩米粉，好大粒云吞，啲虾好大粒，食完真系好饱，双拼$42，以前喺土瓜湾返工都有帮衬过粉面店，估唔到大角咀比土瓜湾更多美食。