影片
更多
2019-05-05
1915 浏览
朋友之前食过碗屋放题，极力推介，今晚一班朋友一齐试下。共有两页餐牌50款食物同一些甜品任点任食。刺身有10款，我地点晒全部刺身试下，卖相好唔错，睇得出新鲜有光泽，我最钟意食带子同赤贝刺身，够厚身同大只。鱼刺身我唔好，但都试左其中一片，厚切食落爽口，都唔错。虾刺身我都试左一只，普通size,都新鲜。寿司方面，因为怕太易饱，唔敢叫太多，我试左海胆同鳗鱼小手卷，海胆好味够份量，鳗鱼就普通。热食方面，酱烧银雪鱼系我地至爱，鱼油多够滑朋友点左酱烧茄子同蒸蛋，朋友两款都赞，蒸蛋好滑，呢两款朋友都有再追加。铁板烧牛肉有厚同薄烧，大家一致认为厚烧好食d，要趁热食，肉质松软。铁板带子味道唔错，不过细粒d。炸蚝都几大只，里面有汁，唔错。烧羊扒我都觉得好食，肉质松软，唔会好多肥膏。烧紫芋年糕，朋友试左话都唔错。烧粟米同鸡翼无咩特别。烧鹅肝我地觉得好唔得，食落有一阵怪味本来对炸软壳蟹好有期望，不过一试就有d失望，只软壳蟹都大只，不过食落好油，无咩味我觉得鲷鱼汤好味，够热，有浓浓鱼味，我有追加左一碗叫左乌冬试下，都烟韧同滑身。餐厅每人送一款小食，我选左鲍鱼，都几好味。我朋友之前黎过，好钟意食呢到既枝豆同肉骨肠，
共有两页餐牌50款食物同一些甜品任点任食。刺身有10款，我地点晒全部刺身试下，卖相好唔错，睇得出新鲜有光泽，我最钟意食带子同赤贝刺身，够厚身同大只。鱼刺身我唔好，但都试左其中一片，厚切食落爽口，都唔错。虾刺身我都试左一只，普通size,都新鲜。
寿司方面，因为怕太易饱，唔敢叫太多，我试左海胆同鳗鱼小手卷，海胆好味够份量，鳗鱼就普通。
热食方面，酱烧银雪鱼系我地至爱，鱼油多够滑
朋友点左酱烧茄子同蒸蛋，朋友两款都赞，蒸蛋好滑，呢两款朋友都有再追加。
铁板烧牛肉有厚同薄烧，大家一致认为厚烧好食d，要趁热食，肉质松软。
铁板带子味道唔错，不过细粒d。
炸蚝都几大只，里面有汁，唔错。
烧羊扒我都觉得好食，肉质松软，唔会好多肥膏。
烧紫芋年糕，朋友试左话都唔错。
烧粟米同鸡翼无咩特别。
烧鹅肝我地觉得好唔得，食落有一阵怪味
本来对炸软壳蟹好有期望，不过一试就有d失望，只软壳蟹都大只，不过食落好油，无咩味
我觉得鲷鱼汤好味，够热，有浓浓鱼味，我有追加左一碗
叫左乌冬试下，都烟韧同滑身。
餐厅每人送一款小食，我选左鲍鱼，都几好味。
我朋友之前黎过，好钟意食呢到既枝豆同肉骨肠，但今次黎，无包系任点餐牌入面，要另外散叫，朋友好失望，最后我地都散叫左枝豆，仲另外叫左枝柚子酒饮添。枝豆我无食，柚子酒ok唔错。
甜品我见到有榴梿大福，本来想试，但系系炸既，又打左折扣，最后无食到。
雪糕有芒果，绿茶，豆腐，柚子同芝麻味。我食左豆腐，柚子同芝麻，我自己觉得柚子最好，味道清新。豆腐同芝麻都唔错，豆腐同芝麻味浓，不过我觉得豆腐甜左d。
另外，我地都点左朱古力糯米糍，红豆和果子，白皮明月冰卷，雪糕糯米糍同朱古力流心蛋糕试下，全部细细粒，整体味道都ok。
朋友觉得今次放题热食选择比之前少左，所以有d失望。不过佢既刺身质素真系唔错，同埋无漏单，叫左几多就黎几多，又无限时，可以由6点开始食到尾。侍应加茶收碟，落order都快手。喜欢食刺身既朋友可以一试。
张贴
