定食 Doraya (厚福街)

营业中

休息中

听到朋友介绍，早排谂住weekend夜晚去呢间试，但轮候人数太多，之后揾个平日下午茶时间去，唔使等太耐，终于可以试到！钟意食日本野，钟意食刺身，比较讲究食材、刺身新鲜度、口感既朋友，一定唔可以错过呢间。大概下午三点时间，等左大概十分钟，我同朋友两个人就可以埋位，侍应即刻讲比我地听，埋边有沙律吧任夹任食，我地食完就开始正餐如下：特选蓝鳍吞拿鱼丼定食 （$148）厚切既蓝鳍吞拿鱼，配合适量既油脂分布，一放落口，啖啖鱼既感觉，好鲜味，油甘系口中盘旋，感觉太正！蓝鳍吞拿鱼中腩&鱼腩蓉丼定食 （$178）一次过满足两种口感，一啖中腩既肥美，一啖腩蓉既滑嫩，都系值得一试！定食包埋一个雪米糍，面豉汤，仲有一碗蒸蛋，蒸蛋比较特别，系几滑，入口即溶的。员工服务唔错，但如果讲到价钱方面，百几蚊一个定食唔算平，而因为香港比较少见呢个价位有咁靓料既吞拿鱼，所以暂时都系推介既最后，建议一下，最好唔好系大时大节或周末夜晚黎食，如果您系唔想等太耐位的话。