田浦食肉

营业中

休息中

冻冻地想食韩烧，记起经常经过填舖，都冇机会入去食，今晚就试一试。叫咗一个PC餐，即系五花肉加梅花肉加猪颈肉套餐，再叫咗个海鲜豆腐汤暖胃。三大嚿肉，份量对两个人嚟讲有啲多，舒服在有侍应帮你烧埋，再剪埋俾你食，完全系残废餐服务。侍应烧得好好味，啲肉外层脆里面软，热辣辣咁食非常好味。虽然五花肉同梅花肉都有好多肥肉，但用生菜加腌咗嘅萝卜再加其他配菜包埋一齐食，中和咗𠮶种油腻感，食落口唔觉得肥腻。海鲜豆腐汤少少辣，但系好足料，味道好醒胃，啱晒饭前饮。