餃掂手工餃子雲吞專門店

以前系其他区有食过，今日经过金都见到就决定同朋友一齐食多次。饺子系肥胖胖同好饱满，外皮系有弹性个种唔系薄皮。个人一向偏向厚身少少唔薄既饺子，因为钟情有口感，配埋肉馅会几丰富。今日加+8叫咗双并饺，因为想食元贝猪肉+椰菜木耳猪肉，个人比较中意椰菜猪肉，因为食到爽脆既椰菜香、木耳都几有口感，清淡得黎系有口感的，唔会有滞，个汤都系以前成日饮的粉葛汤，成件事好家常。朋友叫咗松茸猪肉煎饺，饺子即叫即煎，上台仲系热口的。内馅猪肉比例会多少少，系到谂如果加少少黑松露可能会令松茸更出？Anyway系好重肉香既松茸饺，个人偏向菜饺。朋友叫多一碟皮蛋share,皮蛋有用传统红油汁，食落唔会太刺激，食到醋酸个种。另外加咗呢种成日会叫既：蜂蜜雪梨薏米水，个人一直都中意，因为唔太甜，而且粒粒薏米几真材实料。