朱敏記桑拿菜 (已結業)

去开土瓜湾做野，收工顺便约附近既朋友食晚饭，佢推荐呢间朱敏记桑拿菜，主打广东粤菜，仲有提供火锅、海鲜、鸡煲等，好多选择！岩哂成班人一齐食饭，可以慢慢食慢慢倾～餐厅环境洁净舒适，够哂光猛，店员仲好有礼貌，又会主动推介菜式。今晚食咗个薯仔大肠，上枱卖相唔错，肥肠处理得好干净，唔会有臭味，食落嫩滑爽口，香味浓郁，口感极佳！仲有粒粒薯仔好幼滑，带清新薯仔香。另外叫咗个柏叶，爽脆得黎一啲都唔韧，加入微辣酱汁食得更滋味，好岩伴饭！店员仲推介我地下次可以试吓滋补羊肉煲，羊腩鲜嫩多汁，温补气血，岩哂怕冻既我！