影片
更多
2013-09-03
2191 浏览
今日同马骝仔路过老兰，本来想去肥佬(Harlan 间the Gold)度食饭，行到佢楼下望到对面协兴三楼换咗招牌，咦，有新嘢就梗系试试喇。上到门口见个鬼婆熟口熟面，马骝仔都话好似见过佢，佢话鬼婆好少咁.......矮！一问之下原来喺Laris见过，再问原来系Dinning Concept Group嘅新餐厅。间餐厅叫Mayta，食秘鲁菜，肥龙对秘鲁菜冇乜认识，食来食去都系个几味大路嘢，Choclo (深紫色的土产玉米)，Ceciche (柠檬腌生鱼) Anticuchos(串烧)。Mayta个菜单并不复杂，基本上地道的都有。头盘推介Causas, 三个mashed potatoes ball 有三种topping。Gratin Scallops 煎带子，上菜时有点西班牙Tapas风味，带子两边煎封，中间透明，厨师控制火候到家。主菜点了Arroz Con Pato,此乃啤酒烩饭配油封鸭腿，好味，但略嫌未够粗犷。另点了Hot Rock Ceviche，此乃海鲜什烩，汤底味道有点像冬阴公，但比冬阴公淡，正好突出海鲜的鲜味。期间见隔离枱食Carapulcra(乳猪)睇落唔错，下次可能试试！食完
今日同马骝仔路过老兰，本来想去肥佬(Harlan 间the Gold)度食饭，行到佢楼下望到对面协兴三楼换咗招牌，咦，有新嘢就梗系试试喇。上到门口见个鬼婆熟口熟面，马骝仔都话好似见过佢，佢话鬼婆好少咁.......矮！一问之下原来喺Laris见过，再问原来系Dinning Concept Group嘅新餐厅。
间餐厅叫Mayta，食秘鲁菜，肥龙对秘鲁菜冇乜认识，食来食去都系个几味大路嘢，Choclo (深紫色的土产玉米)，Ceciche (柠檬腌生鱼) Anticuchos(串烧)。Mayta个菜单并不复杂，基本上地道的都有。头盘推介Causas, 三个mashed potatoes ball 有三种topping。Gratin Scallops 煎带子，上菜时有点西班牙Tapas风味，带子两边煎封，中间透明，厨师控制火候到家。主菜点了Arroz Con Pato,此乃啤酒烩饭配油封鸭腿，好味，但略嫌未够粗犷。另点了Hot Rock Ceviche，此乃海鲜什烩，汤底味道有点像冬阴公，但比冬阴公淡，正好突出海鲜的鲜味。期间见隔离枱食Carapulcra(乳猪)睇落唔错，下次可能试试！食完唔够喉，追加Beef Abticuchos,都系果句，厨师控制火候了得，肉烧得恰好，酱汁有地道秘鲁风味，加上Choclo，一流！最后甜品点了Suspiro De Limena, 见佢话系Olive oil ice cream好似好好味咁，都OK喇，另一个Picarones(秘鲁冬甩)就真系唔得，太干之余又冇乜味！总的来讲以咁嘅价位加上系Jamie Pesaque设计嘅menu, 算系物有所值喇，马骝仔都话下次再帮衬。
我哋奉行食物为先，禀神(影相)为次，留点空间让大家想像想像，故相片欠奉，见谅！
题外话，隔离张枱真系坚，肥龙同马骝仔都甘拜下风，一男一女两条友，食咗五个头盘，四个主菜，四个甜品，差不多叫咗三分二个Menu!! 劲！！
（此篇为肥龙代笔！）
张贴