影片
更多
2008-11-04
62 浏览
3-11-2008又一行劲多人0黎扫场, 多谢食友 P 的安排!- 先0黎并盘: 有卤生肠, 金钱鸡, 海蜇及乳猪, ie「胆固醇万岁」菜色 金钱鸡系蜜饯的一「叠」叉烧, 鸡肝及一小块肥 (系咪叫「冰肉」?), 比得龙的 (http://www.openrice.com/restaurant/commentdetail.htm?commentid=1912441) 少一块姜, 食落粉粉糯糯, 味道甘香又甜甜的, 好食; 海蜇十分爽口, 不过我觉得太咸; 乳猪烧得热辣辣, 皮极脆, 肉嫩又 juicy, 正; 不过最掂系生肠, 虽然卖相同肥妈的 (http://www.openrice.com/restaurant/commentdetail.htm?commentid=1895712) 差不多, 橙色「人造」得吓人, 不过食落极爽口, sok sok 声的, 而且好入味, 十分鲜甜, 好好食!- 鹌鹑松生菜包: 生菜好新鲜, 鹌鹑松混了唔少松子仁, 够味, 唔会好咸, 配上生菜包及少少甜甜0地的疑似烤鸭酱 (?), 惹味又几清新.- 金钱蟹盒: 卖相十足 UFO, 炸得好脆,
又一行劲多人0黎扫场, 多谢食友 P 的安排!
- 先0黎并盘: 有卤生肠, 金钱鸡, 海蜇及乳猪, ie「胆固醇万岁」菜色 金钱鸡系蜜饯的一「叠」叉烧, 鸡肝及一小块肥 (系咪叫「冰肉」?), 比得龙的 (http://www.openrice.com/restaurant/commentdetail.htm?commentid=1912441) 少一块姜, 食落粉粉糯糯, 味道甘香又甜甜的, 好食; 海蜇十分爽口, 不过我觉得太咸; 乳猪烧得热辣辣, 皮极脆, 肉嫩又 juicy, 正; 不过最掂系生肠, 虽然卖相同肥妈的 (http://www.openrice.com/restaurant/commentdetail.htm?commentid=1895712) 差不多, 橙色「人造」得吓人, 不过食落极爽口, sok sok 声的, 而且好入味, 十分鲜甜, 好好食!
- 鹌鹑松生菜包: 生菜好新鲜, 鹌鹑松混了唔少松子仁, 够味, 唔会好咸, 配上生菜包及少少甜甜0地的疑似烤鸭酱 (?), 惹味又几清新.
- 金钱蟹盒: 卖相十足 UFO, 炸得好脆, 而且香得厉害, 睇0黎用了猪油? 馅料就系蟹肉混到猪肉, 红萝卜, 唐芹 etc 内, 味道不错, 不过呢味真系超级油腻, 咬一小啖系会 "beet" 出一大啖油的, 感觉麻麻.
- 顺德鱼肚羹: 以「羹」0黎讲呢个好稀, 不过我其实好怕杰挞挞食物的, 稀 d 仲好 除0左粒粒鱼肚之外, 配料仲有金华火腿丝, 大量芫茜及松子仁, 味道 ok 啦.
- 脆皮炸子鸡: 卖相靓到 dum 一声, 鸡皮又薄又脆口, 肉就麻麻, 我已经夹了鸡翼0架喇, 但仍然一般滑; 而鸡味呢? 唔系新鲜鸡, 无办法啦.
- 虾多士: 又系卖相劲靓, 不过食味麻麻 -- 虾胶算弹牙, 但底部多士真系太太太太太油了, 加上炸得过火, 带点油溢味, 谂起都打冷震! HKUAA 的 (http://www.openrice.com/restaurant/commentdetail.htm?commentid=1891745) 好食好好好好好多!
- 桂花炒瑶柱: 叫「桂花」当然唔系代表真系落桂花, 只系将 d 蛋炒到一粒粒桂花咁样, 而呢个就系蟹肉, 瑶柱, 金华火腿丝, 芽菜, 韭王炒蛋, 炒得够干身, 蛋唔会太老, 味道不错.
- 高汤炸粉果: 呢度名物, 都系第一次食炸的粉果... 炸得够热够脆, 层皮甜甜0地, 味道好似咸水角; 浸了上汤感觉就无油腻, 而上汤本身味道就几淡薄.
- 煎酿鲮鱼: 卖相有 d 似上星期食过的印尼式酸辣鱼 (见 http://www.openrice.com/restaurant/commentdetail.htm?commentid=1945216), 而味道就不及莲香楼的 (见 http://www.openrice.com/restaurant/commentdetail.htm?commentid=1934224) -- 鲮鱼胶鱼味 ok, 但腍腍的, 汁料亦无喱味道, 感觉麻麻.
- 蟹肉扒芥菜胆: 一向好怕食芥菜, 但呢度的完全无苦涩, 仲好清甜 (因为蟹肉落得重手?), 早知食多两条啦
- 百花酿蟹钳: 无耐前见到饮食杂志介绍呢度的工序繁复炸蟹钳, 已好有兴趣, 呢日加了 $38 一只试试. 卖相胀卜卜, 虽然颜色偏深, 但火喉不错的, 虾胶极弹牙味美, 正! 包0系中间的就系一大旧蟹钳肉, 味道鲜甜, 炸得刚好唔会太干硬, 好食. 值得试试!
- 焗莲蓉西米布甸: 表层唔够焦脆, 但味道十分唔错 -- 莲蓉味点到即止, 香甜度刚好, 面层带点烟烟韧韧, 好食. 唔知换作麻蓉馅效果会系点呢?
酒楼间了一间房出来俾我0地舒舒服服地坐, 任我0地嘈到拆天 , 招呼亦好, 值得一赞.
每人 $238 (唔食蟹钳就 $200), 比想像中贵, 不过食物唔错, 价钱都 ok 的. 下次要食「穷鬼饭」㖞, 去边度呀?
张贴
